Liabe Lisa, konnst da’s denga,
warum dass mir heit zu dir kemma ?
Des Johr, wias’d woaßt, do lod’n ma ein,
80 Johr oid wiad heier da Trachtenverein.
Den Anlass woll’n ma feiern auch
nach oida Sitt’ und oid’m Brauch.
Ois richt`ge Trachtler, wia si’s g’hört,
damit’s a echt’s Erlebnis werd.
Vui Arbeit ham mir scho verricht,
damit des Ganze kriagt a G’sicht.
A Festbraut uns dafür no feid,
drum kemma alle zu dir heid.
Des Amt is schwaar und kost’ an Muat.
Mir kenn ma aber oane guat,
de mit ihrer Familie, ganz g’wiss,
a hundertprozentige Trachtlerin is.
Du bist schneidig, fesch und voi Sympathie,
dei Foda war bestimmt stoiz af di.
So steh ma jetz do in der Mitt’n
und dean ma di recht herzlich bitt’n :
Es waar für uns a grouße Freid,
wenns’t du uns ’s Ja-Wort geb’n tat’st heid.
De ganze Schar, de heit is kemma,
woll’n ma glei ois Zeug’n nehma.
Lisa mach’s uns ned zu schwaar,
zoag Erbarmen und sog "Ja" !
 

Die Festbraut erwiderte auf die Bitte...

Liabe Trachtler, do draf sog i heid,
Dass me enga Kemma ganz fest g’freit
Hat’s ma a schöne Bitt voadrong,
zu dera Ehr’ kun i sched song:
Dös Amt übernimm i narrisch gern,
a zünftige Festbraut mecht eng wern.
Stoiz bin i - kun ned anerst sa,
und da Papa is ’heid ganz g’wiß a..
An Plotz en unsana Famui - des wißt’s alle,
hamand D’Riedlstoana in jedem Falle.
A groußa Wunsch wird woa für mi,
und hoff im Juni, do haut a ois hi.
Vüi Glück wünsch i an Tracht’nvorein,
für’s Fest drei Dog lang Sonnenschein.